Esta fin de semana estivemos cos nenos e nenas da parroquia de Trabanca Badiña de Vilagarcía. O bo día acompañounos permitíndonos trasladarnos ao parque da fonte. Aínda que nun comezo eramos un grupo pequeno, logo achegáronse moitos curiosos e colaboradores dispostos a aportar un pequeno gran de area á nosa cidade.
Se temos que destacar algo nesta nova cidade é o interese dos participantes en crear o Laboratorio para crear "pócimas" para solucionar os problemas de saúde dos seus habitantes. Unha proposta innovadora coa que todavía non nos atopáramos ata o de agora. Ademáis, crearon unha cidade sen estradas (só camiños de terra), moitos contedores do lixo, cheo de xente moi grande, unha horta compartida, bombeiros e moitas árbores.
Nas súas cartas ao alcalde fixéronlle achegar bonitos debuxos das súas zonas favoritas de xogo e moitas propostas de melloras no lugar no que viven así como o estado do parque da fonte no que demandan un mellor mantemento das instalacións.
Ningún comentario:
Publicar un comentario